Desarticulada unha organización de narcotraficantes que utilizaba unha embarcación deportiva para transportar hachix de Marrocos a España

Nunha operación conxunta da Axencia Tributaria, a Policía Nacional e a Garda Civil

  • Os axentes detiveron catro persoas –todas de nacionalidade británica- pola súa presunta participación nos delitos de tráfico de drogas e pertenza a organización criminal e interviñéronlles máis de 100.000 euros en efectivo que portaban no momento da intervención
  • No trascurso da operación, os axentes incautáronse de 1.500 quilos de hachix que acharon ocultos nun dobre fondo ao que practicaran no casco da embarcación

30 de agosto de 2019.- Funcionarios da Axencia Tributaria e axentes da Policía Nacional e da Garda Civil desarticularon unha organización de narcotraficantes integrada por persoas de nacionalidade británica e asentada en Marbella.Foron arrestadas catro persoas involucradas na organización e interviñéronse 1.500 quilos de hachix.Os líderes da rede dispoñían dunha embarcación deportiva de recreo “caleteada” que tiñan atracada no porto deportivo de Marbella (Málaga) e que utilizaban para transportar a mercadoría ilegal dende as costas do norte de África ata as do noso país.

Inicio da investigación

As primeiras pescudas tiveron lugar cando os axentes tiveron coñecemento da existencia dunha organización criminal asentada en Marbella e dedicada ao narcotráfico.Os líderes da organización – de nacionalidade británica- dispoñían dunha embarcación de recreo que utilizarían para o transporte de estupefacientes dende Marrocos ata a localidade marbellí.

As investigacións practicadas permitiron aos axentes identificar aos líderes da rede –perfectamente organizada e con clara repartición de tarefas- todos de orixe británica e que residían de forma permanente na zona de Guadalmina en Marbella.Alí detectaron varios vehículos de gama alta e vivendas dos que dispoñían os investigados e igualmente comprobaron que, co fin de entorpecer o labor policial, empregaban para os seus desprazamentos coches de aluguer.Os axentes constataron o alto nivel de vida que os líderes levaban durante a súa estancia en Marbella, onde frecuentaban restaurantes e locais de ocio e dispoñían de importantes cantidades de diñeiro en efectivo.

Froito das investigacións os investigadores detectaron como varios membros da organización movían a embarcación, un iate a motor, atracada no porto deportivo.Posteriormente, adoptando fortes medidas de seguridade, abandonaban o lugar dirección Guadalmina.

Localizados 51 fardos de hachix

Inmediatamente estableceuse un dispositivo de vixilancia que deu como resultado a súa localización cando volvía ao porto, esta vez, co calado máis afundido do normal, motivo polo que se realizou un recoñecemento desta.Tras unha minuciosa inspección, os axentes localizaron un dobre fondo e no seu interior 51 fardos de hachix cun peso total de 1.500 quilos de hachix.

No operativo policial, tres tripulantes da embarcación eran sorprendidos arribando a terra e, deseguido, entrando en contacto con outros membros da armazón, entre eles o líder da rede, que lles esperaban nun vehículo.

No momento do arresto, os axentes interviñéronlles diñeiro en efectivo, ascendendo a máis de 100.000 euros o capital incautado cos rexistros efectuados.