Novo intento de ataque de phishing contra a Axencia Tributaria

Detectouse unha campaña de envío de correos electrónicos falsos que suplantan a identidade do Departamento de Alfándegas e  II.EE. da Axencia Tributaria. O obxectivo é solicitar á vítima que realice un pagamento a través do servizo Paysafecard para poder recibir un paquete retido na Alfándega ata o pagamento de cargos.

Teña en conta que:

  • O asunto contén o texto "Notificación de paquete: DIRECCIÓN REXIONAL DE ALFÁNDEGAS", aínda que non se descarta que poidan estar a distribuírse mediante outros correos con asuntos similares.

  • O remitente do devandito correo é unha conta falsa "aduanas@correos.es", que non pertence á Axencia Tributaria nin a Correos.

  • O pagamento que se solicita é de 50 € a través dun servizo online que facilita o anonimato xa que non se asocia a ningunha conta bancaria.

Non atenda a ese correo, é un intento de fraude suplantando a imaxe da Axencia Tributaria.

Non é a primeira vez que se utiliza este tipo de correos co fin de roubar datos persoais e bancarios.Por este motivo, a concienciación e a información son esenciais.Por iso recomendámoslles:

  • Non abrir correos de usuarios descoñecidos ou que non solicitasen, elimíneos directamente.

  • Non contestar en ningún caso a estes correos.

  • Precaución ao seguir enlaces en correos aínda que sexan de contactos coñecidos.

  • Precaución ao descargar ficheiros adxuntos de correos aínda que sexan de contactos coñecidos.

A Axencia Tributaria insiste en que nunca solicita por correo electrónico información confidencial, económica ou persoal, números de conta nin números de tarxeta dos contribuíntes.

Por último, é preciso indicar que os correos enviados pola Axencia Tributaria poden ser verificados polos servidores de correo destinatarios, de forma que a maior parte dos cidadáns non terán recibido correos que suplanten a identidade da Axencia Tributaria.

  • RSS
  • Mapa web
  • Accesibilidade
  • Axuda