A introdución de mercadorías en Península, Baleares e Canarias procedente de terceiros países, Ceuta ou Melilla, está suxeita ao pagamento de dereitos de importación, IVE ou IGIC (Canarias) e, se é o caso, Impostos Especiais e require a presentación dunha declaración de importación (DUA).

Os particulares que realicen compras por internet ou reciban envíos de particulares que superen as franquías existentes, poden realizar a declaración aduaneira a través da Sede Electrónica da AEAT, sempre que dispoñan de certificado dixital.

Este servizo é gratuíto, debe satisfacer o particular á AEAT exclusivamente, os dereitos de aduana e IVE (en Canarias ingresarase o IGIC ao Goberno de Canarias). Estes importes son INDEPENDENTES dos que cargue o operador postal ou de transporte.

Para poder realizar esta declaración, os particulares deben solicitarlle ao SEU OPERADOR POSTAL OU DE TRANSPORTE o número de declaración sumaria/partida e a documentación comercial que acompañe o envío.

Salvo que o interesado indique expresamente a clasificación arancelaria aplicable ás mercadorías importadas, aplicarase unha clasificación xenérica que supón a aplicación dos seguintes tipos: arancel 2,5%; IVE 21%; IGIC 7%.